Toğrul Əsgərov tarixə düşmək fürsətini qaçırtdı - YENİLƏNİB

Həlledici görüşdə Toğrul Əsgərovun rəqibi rusiyalı Soslan Ramonov idi. Təəssüf ki, idmançımız qızıl medalı qazana bilməyib. Rus güləşçi 1 dəqiqə ərzində ardıcıl fəndlərlə fərqi 11:0 edib və təmiz qələbə qazanıb.

***

Bu gün Rio-2016 Yay Olimpiya Oyunlarında London Olimpiadasının, Avropa çempionatının və Avropa Oyunlarının çempionu Toğrul Əsgərov növbəti görüşü çıxıb.

Publika.az-ın məlumatına görə, T. Əsgərovun yarımfinalda rəqibi italiyalı Frank Markez Xamizon olub.

T. Əsgərov 7:4 hesabı ilə görüşdə qalib gəlib.

Həlledici görüşdə rəqib rusiyalı Soslan Ramonovdur. Qarşılaşma saat 21:15-də başlayacaq.

17:00

Azərbaycanı 2016-cı il Rio-de-Janeyro Yay Olimpiya Oyunlarında təmsil edən sərbəst güləşçi Toğrul Əsgərov 1/4 final görüşünə çıxıb.

Publika.az-ın məlumatına görə, 65 kq. çəki dərəcəsində çıxış edən olimpiya çempionu ikinci görüşünü amerikalı Frank Aniello Molinaroya qarşı keçirib.

İlk hissə 5:0 hesabı ilə Toğrulun xeyrinə başa çatıb. İkinci hissədə güləşçimiz daha 5 xal qazanaraq görüşü qələbə ilə başa vurub (10:0) və yarımfinala vəsiqə qazanıb.