UEFA Avropa Liqası: “Qarabağ” qrup mərhələsinə yüksəlib (YENİLƏNİB)

UEFA Avropa Liqasının pley-off mərhələsi çərçivəsində keçirilən “Qarabağ”-“Höteborq” oyunu başa çatıb. Rəqibinin qapısından 3 cavabsız top keçirən Ağdam təmsilçisi Avropa Liqasının qrup mərhələsinə vəsiqəni təmin edib.

***

Qarabağ üçüncü qolunu vurub. Qarşılaşmanın 5-ci dəqiqəsində Dani Quitana "Qarabağ"ın qələbəsini yəqinləşdirib.

***

26-cı dəqiqədə Muarem Muarem komandasının ikinci qolunu vuraraq hesabı artırıb.

***

Qarşılaşmanın 18-ci dəqiqsində komandanın kapitanı Rəşad Sadıqov künc zəribəsindən sonra hesabı açıb.

***

UEFA Avropa Liqasının pley-off mərhələsində mübarizə aparan Azərbaycan çempionu “Qarabağ” bu gün növbəti oyununu keçirir.

Bir qədər əvvəl Tofiq Bəhramov adına Respublika Stadionunda “Qarabağ” klubu ilə “Höteborq” (İsveç) komandası arasında cavab qarşılaşması başlayıb.

Xatırladaq ki, İsveçdə keçirilən ilk oyun 1:0 hesabı ilə “Höteborq” komandasının xeyrinə nəticələnmişdi.

“Qarabağ”ın start heyətində meydana İbrahim Şehiç, Qara Qarayev, Maksim Medvedev, Miçel, Reynaldo, Muarrem Muarrem, Rəşad Sadıqov, Riçard Almeyda, Ansi Aqoli, Elvin Yunuszadə və Dani Kintana çıxıblar.

İsveç təmsilçisi isə oyuna Con Alvbeyc, Emil Salomonsson, Skott Yamieson, Sebastian Eriksson, Mads Albaek, Soren Riks, Yakop Ankersen, Tobias Hisen, Mikael Boman, Tomas Ronye və Matias Byarsmirdən ibarət heyətlə başlayıb.

Oyunu Vladislav Bezborodovun rəhbərliyi ilə rusiyalı hakimlər briqadası idarə edir.