Gülnar Məmmədova şahmat üzrə Azərbaycan çempionu oldu
Bizi izləyin
Aptekonline

İdman

Gülnar Məmmədova şahmat üzrə Azərbaycan çempionu oldu

Naxçıvan şəhərinin Gənclik Mərkəzində keçirilən şahmatçı qadınlar arasında Azərbaycan çempionatı sona çatıb.

Publika.az xəbər verir ki, çempion adını 11 turdan aktivinə 9 xal yazan Gülnar Məmmədova qazanıb. Bu onun karyerasında üçüncü Azərbaycan çempionluğudur.

Gövhər Beydullayeva, Zeynəb Məmmədyarova və Xəyalə Abdulla hərəyə 7.5 xal toplayaraq 2-4-cü yerləri bölüşdürüb, əlavə göstəricilərə görə Gövhər Beydullayeva gümüş, Zeynəb Məmmədyarova isə çempionatın bürünc mükafatçısı olub.

Xatırladaq ki, yarış 11 turdan ibarət keçirilirdi və ümumi mükafat fondu 7000 (yeddi min) AZN təşkil edirdi.

Qeyd edək ki, Azərbaycan Şahmat federasiyasına bu il keçiriləcək qadınlar arasında Dünya Kubokunda iştirak üçün təqdim edilmiş yerin sahibi ölkə çempionu Gülnar Məmmədova olub. Günay Məmmədzadə, Türkan Məmmədayarova və Ülviyyə Fətəliyeva da bu yarışda iştirak etmək hüququnu daha öncədən əldə edib.

Teqlər
Oxumağa davam et
Reklam
Reklam

Gündəm

Aptekonline