İdman

Salah dayanmır, indi də…

16 Sentyabr 2023 20:00

Məhəmməd Salah İngiltərə Premyer Liqasında “Liverpul”un heyətində qol-pas sistemində 200 xal toplayıb.

Publika.az xəbər verir ki, bu barədə “Opta Sports” məlumat yayıb.

Salahın İngiltərə çempionatında klubunun heyətində 139 qol və 61 məhsuldar ötürməsi var. Buna nail olmaq üçün oyunçuya 223 matç lazım olub. Premyer Liqa tarixində yalnız Tyerri Anri 200 xalı daha tez toplayıb – 206 oyunda.

Xatırladaq ki, Məhəmməd bu gün, sentyabrın 16-da İngiltərə Premyer Liqasının 5-ci turunun “Vulverhempton”la oyununda (3:1) 3 məhsuldar ötürmə edib.

Futbolçunun “Liverpul”la müqaviləsi 2025-ci ilin yayına kimi imzalanıb. Salah 2017-ci ilin yayından “qırmızılar”da çıxış edir. O, komanda ilə birlikdə 2018/2019 mövsümünün Çempionlar Liqasının qalibi olub. Transfermarkt internet portalı 31 yaşlı hücumçunu 65 milyon avro dəyərində qiymətləndirir.