İdman

Taysonu zədələyən boksçu danışdı: Günahkar deyiləm

6 Fevral 2024 07:00

Aleksandr Usiklə döyüşə hazırlıq zamanı sparrinq zamanı Tayson Fyurini zədələyən boksçunun adı məlum olub.

Publika.az xəbər verir ki, bu zədə nəticəsində fevralın 17-nə planlaşdırılan döyüş mayın 18-nə təxirə salınıb və əvvəlcədən planlaşdırıldığı kimi Səudiyyə Ərəbistanının Ər-Riyad şəhərində baş tutacaq.

“Boxing Talk” bildirir ki, zədənin günahkarı peşəkar rinqdə 20 qələbə və 2 məğlubiyyəti olan xorvatiyalı boksçu Aqron Smakicidir.

“Bu, təmiz bir zərbə idi, ona görə də özümü günahkar hiss etmirəm. Dirsək zərbəsi? Fyuri çox danışır, amma mənimlə sparrinqinin necə getdiyini bilir”, – Smakiçi qeyd edib.