"Real"ın oyununda nə yaşanıb? - Komanda yoldaşı Arda üçün görün nə etdi - VİDEO

İspaniya La Liqasının 24-cü turunun "Real" - "Jirona" (4:0) matçında maraqlı hadisə baş verib.

Publika.az xəbər verir ki, matçın sonunda Madrid klubunun futbolçuları arasında qeyri-adi vəziyyət yaranıb. "Qalaktikos"un gənc yarımmüdafiəçisi Arda Gülər penalti qazanıb. Bu zaman komandanın hücumçusu Xoselu penalti zərbəsini yerinə yetirməyi öz üzərinə götürüb.

Lakin bir anda müdafiəçi Orelyen Çuameni komanda yoldaşına yaxınlaşaraq topu ondan almağa çalışıb. O, bunu özü üçün yox, Arda üçün edib. Fransız futbolçu Xoseludan penaltini türkiyəli yarımmüdafiəçiyə verməsini istəyib. Çuameni Ardanın yeni komandasında inam qazanmasına və qol hesabını açmasına kömək etmək istəyib.

Lakin Xoselu topu geri verməkdən qəti şəkildə imtina edib. Maraqlıdır ki, ispaniyalı forvard penaltini qola çevirə bilməyib. Hücumçunun zərbəsindən sonra top dirəyə dəyib.

İstəyinə çatmayan Çuameni komanda yoldaşına dəstək olmağa davam edib. Digər komanda yoldaşları ilə Ardanı qucaqlayaraq zarafat etməyə çalışıb.

Xatırladaq ki, bu görüş Arda Gülər ​​üçün Madrid klubuun formasında La Liqadakı ikinci, "Santyaqo Bernabeu" arenasında isə ilk matç olub.

Heybət