Çempionlar Liqası "qış yuxusu"ndan ayılır - AFİŞA
Bizi izləyin
Aptekonline

İdman

Çempionlar Liqası "qış yuxusu"ndan ayılır - AFİŞA

Bu gün UEFA Çempionlar Liqasında pley-off mərhələsinə start veriləcək. Bununla qitənin bir nömrəli klub turniri "qış yuxusu"ndan ayılacaq

Publika.az xəbər verir ki, 1/8 finalın ilk oyun günü 2 görüş baş tutacaq.

Gecənin mərkəzi matçı Almaniyada baş tutacaq. "Leypsiq" doğma meydanda turnirin favoriti "Real"ı qəbul edəcək. "Kral klubu" bu matça ciddi itkilərlə çıxacaq. David Alaba, Antonio Rudiger, Eder Milita və Cud Bellinqem zədəli olduqları üçün baş məşqçi Karlo Ançelotti onların xidmətindən yararlana bilməyəcək.

Digər matçda isə ÇL-in son qalibi "Mançester Siti" "Kopenhagen"in qonağı olacaq. "Şəhərlilər" bu görüşə itkilərsiz çıxacaq. Əks düşərgədə isə bu sarıdan vəziyyət ürək açan deyil. Təcrübəli Nikolay Boylesenlə yanaşı, cəzalı Lukas Lerager görüşü buraxacaq. Onlardan başqa daha 3 futbolçunun görüşdə iştirakı sual altındadır.

Heybət

UEFA Çempionlar Liqası, 1/8 final: İlk oyunlar
13 fevral
00:00 Leypsiq - Real
00:00 Kopenhagen - Mançester Siti

Oxumağa davam et
Reklam
Reklam

Gündəm

Aptekonline