"Sabah" ilk matçda məğlub oldu - YENİLƏNDİ

UEFA Konfrans Liqasının III təsnifat mərhələsinin ilk görüşü çərçivəsində "Sabah" səfərdə İrlandiyanın "Sent Patriks Atletik" klubu ilə qarşılaşıb.

Publika.az xəbər verir ki, "Tallqat" stadionundakı matçda meydan sahiblərinin qələbəsi ilə yekunlaşıb - 1:0.

Qarşılaşmada yeganə qolu 35-ci dəqiqədə Romal Palmer təmsilçimizin qapısından keçirib.

Qeyd edək ki, "Sabah" və "Sent Patriks Atletik"arasındakı cavab qarşılaşması avqustun 15-i "Bank Respublika Arena"da reallaşacaq.

xxx

UEFA Konfrans Liqasının III təsnifat mərhələsinin ilk görüşü çərçivəsində davam edən "Sent Patriks Atletik" (İrlandiya) - "Sabah" görüşündə hesab açılıb.

Publika.az xəbər verir ki, "Tallqat" stadionundakı matçda meydan sahibləri hesabda önə keçib - 1:0.

35-ci dəqiqədə Romal Palmer fərqlənib.

xxx

22:48

UEFA Konfrans Liqasının III təsnifat mərhələsinin ilk görüşü çərçivəsində "Sent Patriks Atletik" (İrlandiya) - "Sabah" görüşü start götürüb.

Publika.az xəbər verir ki, qarşılaşma "Tallqat" stadionunda keçirilir.

Oyunu islandiyalı baş hakim Vilhyalmur Torarinsson idarə edir.