İdman

Qriqorçuk sükutu pozdu: “Neftçi”ni çempion etməyə getmişdim, amma...

16 Oktyabr 2024 15:01

Bir müddət öncə “Neftçi” ilə qarşılıqlı razılaşma əsasında yollarını ayıran Roman Qriqorçuk sükutu pozub.

Pulbika.az xəbər verir ki, o, ilk dəfə olaraq gedişini şərh edib. İkraynalı mütəxəssis Azərbaycana yollanarkən qarşısına böyük hədəflər qoyduğunu bildirib:

“Azərbaycana gedərkən məqsədim “Neftçi”ni çempion etmək və Çempionlar Liqasında oynamaq idi. Məhz bunun üçün ora yollanmışdım. Lakin 9 turdan sonra “Neftçi” bir oyunda belə qələbə qazanmadı. Belə vəziyyətdə qarşılıqlı razılıq əsasında müqaviləyə xitam verməli olduq. 9 turdakı nəticələrdən sonra başqa bir variant ola bilməzdi. Artıq Ukraynada, evimdəyəm. “Neftçi”yə isə hər şeyin ən yaxşısı və qarşıya qoyulan hədəflərə çatmağı arzulayıram”.

Xatırladaq ki, ilk dövrədə “Neftçi” Qriqorçukun rəhbərliyi altında 9 oyunda qələbə qazana bilməyib. Bu səbəbdən də klub rəhbərliyi ukraynalı mütəxəssislə yollarını ayırıb. Qriqorçuku baş məşqçi postunda Samir Abasov əvəzləyib.

Heybət