"İlin ən yaxşı futbolçusu" mükafatına namizədlər açıqlandı: Nə Messi var, nə də Ronaldo

Beynəlxalq Futbol Tarixi və Statistikaları Federasiyası (İFFHS) "İlin ən yaxşı oyunçusu" mükafatına namizədləri açıqlayıb.

Publika.az xəbər verir ki, siyahıda 30 futbolçu yer alıb.

Namizədlər arasında "Real", "Mançester Siti", "Arsenal" və "Bayern" kimi komandaların futbolçuları üstünlük təşkil edir. "Qalatasaray"ın ulduzu Viktor Osimhem də "İlin ən yaxşı oyunçusu" adı uğrunda mübarizə aparır.

Siyahıda bir vaxtar bu mükafatın qalibi olan ulduzlar - hazırda "İnter Mayami"də çıxış edən Lionel Messi" və onun "Əl-Nəsr"in formasını geyən əzəli rəqibi Kriştiano Ronaldo namizədlər siyahısında yer almayıb.

Namizədlər siyahısı belədir:

Kilian Mbappe, Vinisius Junior, Cud Bellingem, Dani Karvaxal, Federiko Valverde, Rodriqo (hamısı "Real"), Erlinq Haaland, Rodri, Ruben Dias və Fil Foden (hamısı "Mançester Siti"), Bukayo Saka, Deklan Rays, Martin Odegaard və Uilyiam Saliba (hamısı "Arsenal"), Camal Musiala, Harri Keyn və Alfonso Devis (hamısı "Bayern"), Lamin Yamal və Dani Olmo (hər ikisi "Barselona"), Floryan Virts ("Bayer Leverkuzen"), Koul Palmer ("Çelsi"), Niko Uilyams ("Atletik") , Fabian Ruiz (PSJ), Kodi Qakpo ("Liverpul"), Lautaro Martinez ("İnter"), Xames Rodriqes ("Rayo Valyekano"), Ademola Lokman ("Atalanta"), Viktor Osimhen ("Qalatasaray"), Əkrəm Afif ("Əl-Sədd") və Toni Kroos (karyerasını bitirib).

Heybət