"Sevilya" geri çəkilib, yoxsa Juninyo fikrini dəyişib? - Menecer detalları açıqladı
Bizi izləyin
Aptekonline

İdman

"Sevilya" geri çəkilib, yoxsa Juninyo fikrini dəyişib? - Menecer detalları açıqladı

Dünən gecə saatlarından etibarən “Qarabağ”ın futbolçusu Juninyo yenidən gündəmə gəlib. Onun “Sevilya”ya transferinin baş tutmayacağı barədə informasiyalar təkcə Azərbaycanda və İspaniyada deyil, Braziliya və Avropanın aparıcı nəşrlərində tirajlanmağa başlayıb. Hətta tanınmış insayderlər də bu məsələni gündəmdə saxlayır.

Juninyonun “Sevilya”ya transferinin baş tutmayacağı artıq dəqiqləşib. İspaniya klubunun geri addım atması fonunda braziliyalı futbolçunun vətəninə, “Flamenqo”ya keçəcəyi gözlənilir.

Məsələ ilə bağlı Publika.az-a açıqlama verən menecer Tural Əsgərov Əndəlüs klubunun Juninyodan imtina etməsi ilə bağlı iddiaları təkzib edib. “Dünən axşam “Sevilya” geri çəkilməyib, Juninyo ora getmək qərarından vaz keçdi” – deyə o, bildirib.

“Flamenqo” həm futbolçuya, həm də “Qarabağ”a səxavətli təklif göndərib. Yeni mövsümə hazırlaşan Braziliya klubu transferin bu həftə ərzində tamamlanmasını istəyir. Buna görə də klub rəhbərliyi maliyyə məsələlərində heç bir tərəflə xırdalığa getməməyə çalışır.

Heybət Məmmədov

Oxumağa davam et
Reklam
Reklam

Gündəm

Aptekonline