Futbol klubunun ofisinə silahlı basqın
Bizi izləyin
Aptekonline

İdman

Futbol klubunun ofisinə silahlı basqın

Hollandiyanın "Utrext" klubu soyğuna məruz qalıb.

Publika.az xəbər verir ki, kluba məxsus ofisə və "Qalqenvard" stadionuna hücum edən silahlı şəxslər qarət törədiblər. Hadisə yanvarın 27-də baş verib. Məlumata görə, klubun ofisindən 100 min avro oğurlanıb. Bu vəsait Dortmund "Borussiya"sı ilə yoldaşlıq matçı üçün ayrılıbmış.

Səhər saatlarında ofisə daxil olan silahlı şəxslər mühafizəçidən seyfi açmağı tələb ediblər. Silahlılar pulu götürəndən sonra ərazidən uzaqlaşıblar. Hadisə zamanı xəsarət alan olmayıb. Polis insidenti araşdırmağa başlayıb. "Utrext"in baş meneceri Vilko van Şayk hadisəni belə şərh edib:

"Biz maliyyə məsələsində sağlam yolla gedirdik. İndi bizi vicdanla qazandığımız puldan məhrum ediblər. Vacib deyil nə qədər pulumuz oğurlanıb. Biz bir avronun da hesabını aparırıq".

Oxumağa davam et
Reklam
Reklam

Gündəm

Aptekonline