Ekopublika.az

Azərbaycan peykindən 10 milyon dollar gəlir əldə edib

9 Fevral 2014 17:25

Azərbaycanın ilk telekommunikasiya peyki “Azerspace-1” peykindən 6 ay ərzində təxminən 10 milyon dollar gəlir əldə edilib. Barədə rabitə və informasiya texnologiyaları naziri Əli Abbasovbildirib.

Onun sözlərinə görə, peyk orbitə qaldırıldıqdan üç ay sonra kommersiya fəaliyyətinə başlayıb:

“Bu da orbitə çıxarılmasının yubanması ilə əlaqədar olub”.

O qeyd edib ki, peykdən əldə olunan gəlirlərin 90-95%-i xarici ölkələrə satılan resurslar hesabına əldə edilib.

Nazir bildirib ki, “Azerkosmos”un Amerikanın idxal-ixac bankı (Exim banka) 17 milyon dollar borcu olub.

Onun sözlərinə görə, Maliyyə Nazirliyinin 7 milyon dollar köməyi və peykdən əldə olunan 10 milyon dollar qazanc ilə borc ödənib.

Ə.Abbasov bu ildən peykin xərclərinin özünü ödəyicəyini, gələn ildən isə təmiz qazanc əldə edəcəyini qeyd edib.