Dilarə məşhurların iç üzünü açdı – "Onun təxəllüsü "Don Karleone"dir" - VİDEO

ARB TV-nin “Pəncərə” verilişinin qonağı olan aparıcı Dilarə Əliyeva şou-biznes nümayəndələrinin bilinməyən tərəflərini açıqlayıb.

Publika.az xəbər verir ki, aparıcının suallarına maraqlı cavablar verən Dilarə Əliyeva ad çəkməkdə də çəkinməyib.

D.Əliyeva "Şou-biznesin ən çox pul xərcləyəni, ən simici, ən çox danışanı, ən tənbəli və ən dalaşqanı kimdir” suallarına cavab verib:

"Eşitdiyim qədəri ilə Manaf Ağayev şou-biznes nümayəndələri içərisində ən çox pul xərcləyəndir. Dostcanlıdır, əliaçıqdır. Hadisə baş verməmişdən artıq orada olur. Əli cibində, hörməti üstündə olan adamdır. Onun şou-biznesdə təxəllüsü “Don Karleone”dir”.

Pulunun qədrini bilən Namiq Qaraçuxurludur. Bilir kimə pul xərcləmək olar, kimə olmaz. Şou əhli çalışır ki, Vasif Məhərrəmlinin yanında çox danışmasın. Ürəyində söz saxlaya bilmir.

Eyyub Yaqubovun çox gözəl səsi var, amma öz üzərində çox işləməyi sevmir. Ən yatağan isə deyərdim ki, Telli Borçalıdır. Xəngəli yeyib yatır. Yatmağın dərdindən ərə də getmir. Şou-biznesdə sakit, mülayim adam yoxdur. Hər kəsin özünə görə dili də var, dilçəyi də. Aralarında yazıq bala yoxdur.

Aktrisanın “Uyduran, hadisələri şişirdən kimdir” sualına cavabı isə belə olub:

“Hadisələri şişirdən mən özüməm. Birinin üstünə beşini qoyub çatdıran, el-aləmi bir-birinə vuran, yandırıb yaxan – bu Dilarə Əliyevadır. Milçəkdən dəvə düzəltmək mənim yemimdir”.