Miri Yusif: "Buna görə peşmanam" - MÜSAHİBƏ/FOTO

Xalq artisti Miri Yusif şəxsi həyat və yaracılığı haqqında maraqlı açıqlaması ilə diqqət çəkib.

Teleqraf.com xəbər verir ki, Miri Yusif İnstaqramda sosial şəbəkə izləyicilərinin suallarını cavablandırıb.

- 4 il Amerikada yaşamağınızın həyatınızda nə kimi rolu oldu?

- Həyatımın ən böyük karantini idi. Böyük şəhərdə kimsəsiz və pulsuz idim. Bu məni həyatda bərkitdi və nəyəsə nail olmaqda kömək etdi.

- Həyatınızda həyat yoldaşınız Nərgiz xanım olmasaydı, yenə də sevgi dolu mahnılar yazardınız?

- Onu təsvir edib, yazardım.

- Həyat yoldaşınızla bir-birinizi qısqanırsınız?

- Buna səbəb yoxdur.

- Qadınları bir rəng olaraq təsvir etsəniz, Nərgiz xanım hansı rəng olardı?

- Ən sevdiyim rəng göy rəngdir.

- Sevgi yoxsa qürur?

- Sevgi...

- Nərgiz xanıma sevginizi bir kəlmə ilə necə anladarsınız?

- Səndən bir dənədir.

- Özünüzü belə bir zirvəyə çatacağınızı təsəvvür edirdiniz?

- Bu zirvə uşaqlıqdan məni çağırırdı. Anlaya bilmirdim ki, bu zirvənin səsidir. Çox incə səsdir, həm də nazlıdır.

- Həyatda nə üçün yaşayırsınız?

- Həyatda şan-şöhrət məni maraqlandırmır.

- Haqsızlıq qarşısında susduğunuz zaman olub?

- Olub və indiyə qədər də susduğuma görə peşmanam.

- Dünyada ən böyük qüvvə nədir?

- Sevgi-Allahdır.

- Aprelin 11-də Gəncə Dövlət Flarmoniyasında baş tutacaq konsertinizin aqibəti necə oldu?

- Alınan biletlər qüvvədədir. Konsert dekabrın 21-də baş tutacaq.

- Niyə bayağı müğənnilər çoxdur?

- Onlar da olmasa darıxardıq.