İsanın kor adamı sağaltdığı yer tapıldı - FOTO

Yerusəlimdə elm adamları tərəfindən kəşf edilən bir tikilinin İsanın əcdadları tərəfindən inşa edilmiş ola biləcəyi və təxminən 2800 il yaşı olduğu güman edilir.

Publika.az xəbər verir ki, bu barədə "Daily Mail" məlumat yayıb.

Ekspertlər inanırlar ki, Yerusəlimdə tapılan nəhəng qədim tikilinin İsanın Müqəddəs Kitabda kor adamı sağaltdığı deyilən yer ola bilər.

Qeyd edək ki, İsanın kor adamın görmə qabiliyyətini bərpa etdiyi "Bibliya" möcüzəsi Yəhya "İncil"ində təsvir edilib. Mətnə görə, Məsih yerə tüpürüb və sonra kor adamın gözlərini tüpürcək və palçıq qarışığı ilə məsh edib. Sonra o, kor adamı Siloam hovuzunda yuyunmağa göndərib. Adam qayıdanda onun gözləri açılıb.

Qazıntılar zamanı nəhəng ölçülərə malik monumental bənd divarı da aşkar edilib. Aşkar edilmiş divarın hündürlüyü 11 metrə, uzunluğu isə indiki qazıntılardan kənara çıxaraq ən azı 21 metrə çatır. Alimlər həmçinin hesab edirlər ki, bu bənd olmasaydı, Siloam hovuzunun özü də yəqin ki, mövcud olmazdı.

Komandanın fikrincə, struktur eramızdan əvvəl 9-cu əsrin sonlarına aiddir. Maraqlıdır ki, elm adamları bəndin tarixini təxminən 10 il ərzində inanılmaz dəqiqliklə təyin edə biliblər.

Adəm