Nizami dövrünə aid xəzinə: Bağında qurd axtaran adam DƏFİNƏ TAPDI - FOTOLAR

İsveçdəki bağ evində qurdlar üçün qazıntı aparan bir adam heyrətamiz bir xəzinə tapıb: Erkən Orta əsrlərə aid 20.000 sikkəyə qədər gümüş dəfinə.

Publika.az "Livescience.com"a istinadən xəbər verir ki, dəfinə erkən orta əsrlərə aiddir və çəkisi təxminən 13 funt (6 kiloqram) təşkil edir.

Xəzinəni tapan adam tapıntı barədə yerli hökumət rəsmilərinə məlumat verib. Arxeoloqlar indi xəzinələri tədqiq edirlər, onlar deqradasiyaya uğramış mis qazanda olub.

"Bu, yəqin ki, İsveçdə tapılmış erkən orta əsrlərə aid ən böyük gümüş xəzinələrdən biridir. Biz hələ dəqiq neçə sikkə olduğunu bilmirik, amma düşünürəm ki, bu, iyirmi mindən çox ola bilər", - deyə Stokholmdakı rayon inzibati şurasının antikvar tədqiqatçısı Sofiya Andersson deyib.

İlkin təhlillər göstərib ki, gümüş sikkələrin əksəriyyəti XII əsrə aiddir. Yəni 1173-cü ildən təxminən 1195-ci ilə qədər hökmranlıq edən İsveç kralı Knut Erikssonun hakimiyyəti dövründə zərb edilib.

Açıqlamaya görə, bir neçə sikkə nadirdir. Məsələn, güclü yepiskoplar tərəfindən zərb edilmiş bir neçə "yepiskop sikkəsi".

"Bu, tamamilə unikaldır; bizdə Stokholmdan başqa orta əsr xəzinələri yoxdur", - deyə Stokholmdakı Orta Əsrlər Muzeyinin direktoru Lin Annerbek İsveçin gündəlik "Dagens Nyheter" qəzetinə deyib.

Qeyd edək ki, tapıntıların aid olduğu dövrdə hələ Stokholm mövcud olmayıb. Qeyd edək ki, Stokholm rəsmi olaraq 1252-ci ildə qurulub.

Annerbek bildirib ki, xəzinənin nə üçün basdırıldığına gəlincə, 12-ci əsrin sonu "narahat vaxt" idi. Annerbekə görə, bir çoxları belə xəzinələri ailənin ixtiyarında saxlamaq üçün gizlədiblər. Gümüşün mirvari və başqa əşyalarla qarışması onun kiminsə gizlədilən sərvəti olduğunu göstərir.

Xatırladaq ki, xəzinə ilə bağlı araşdırmalar davam edir. İndi dövlətin dəfinəni tapan adama təzminat ödəyib-ödəməyəcəyi ilə bağlı sual yaranıb.

Adəm