MDB

Ukrayna Rusiyanın bu şəhərini vurdu: Ən azı 6 nəfər ölüb

15 Fevral 2024 15:03

Ukrayna Silahlı Qüvvələrinin Rusiyanın Belqorod şəhərinə endirdiyi raket zərbəsi nəticəsində ölənlərin sayı 6 nəfərə çatıb.

Publika.az xəbər verir ki, bu barədə "Şot Telegram" kanalı yazıb.

Daha əvvəl məlumat verilmişdi ki. Belqorodun atəşə tutulması zamanı xəsarət alanların sayı on nəfərə çatıb. Onların vəziyyəti dəqiqləşdirilmir.

Fevralın 15-də günortadan sonra Belqorod şəhərində və Belqorod vilayətində raket təhlükəsi elan edilib. Regionun qubernatoru Vyaçeslav Qladkov sakinləri pəncərəsi olmayan otaqlara, küçədə olanları isə sığınacaqlara getməyə çağırıb.

Bir neçə dəqiqədən sonra mərmilər nəticəsində ölən və yaralananlar barədə ilk məlumat yayılıb. Həmçinin məlum olub ki, Ukrayna Silahlı Qüvvələrinin hücumu nəticəsində “Xarqore” ticarət mərkəzi və özəl sektorda olan evlər zərər görüb. Bundan əlavə, Sportivnaya küçəsindəki məktəb stadionuna raket düşdüyü də bildirilir.

Tural