Türkmənistanda doğulan kosmonavt rekorda İMZA ATDI - 1000 GÜN

Roskosmos kosmonavtlar korpusunun komandiri Oleq Kononenko Yerə yaxın kosmosda qalmaq üzrə yeni rekorda imza atıb.

Publika.az TASS-a istinadla xəbər verir ki, o, ümumilikdə 1000 gün kosmosda olub.

Astronavt özü hesab edir ki, bu, kosmik tibb elminin inkişafına və gələcək planetlərarası uçuşlara hazırlığa mühüm töhfə olacaq. Onun sözlərinə görə, uzunmüddətli uçuşlar gələcək planetlərarası missiyalar üçün lazım olan insan imkanları haqqında anlayışı genişləndirməyə kömək edir.

O, həmçinin işindən qürur duyduğunu və kosmik tədqiqatların davamlı inkişafına inamını ifadə edib.

Kononenko qeyd edib ki, bu rekorda nail olmaq 15 illik peşəkar hazırlıq sayəsində mümkün olub. O, hazırda karyerasının bu ilin sentyabrında başa çatacaq beşinci kosmik missiyasındadır.

İyunun 21-də o, kosmosda 60 illik yubileyini qeyd edəcək və bir il davam edən ekspedisiyanı başa vurduqdan sonra kosmosda qalma müddəti 1110 gün olacaq.

21 iyun 1964-cü ildə Türkmənistan SSR-nin Çardjou şəhərində (indiki Türkmənabad, Türkmənistan ) anadan olan Oleq Kononenko kosmosa ilk uçuşunu 2008-ci ilin aprelində "Soyuz TMA-12" kosmik gəmisi ilə BKS-ə etdi.

İlk ekspedisiyadan qayıtdıqdan sonra Rusiya Federasiyasının Qəhrəmanı və Rusiya Federasiyasının pilot-kosmonavtı titullarına layiq görülüb.

Hüseyn İbadlı