MDB

Ukrayna Krıma od vurub, 4 gündür söndürə bilmirlər: Daha bir tanker partladı

11 Oktyabr 2024 10:00

Rusiyanın ilhaq etdiyi Krımın Feodosiya qəsəbəsində yanan neft anbarında daha bir tanker partlayıb.

Publika.az xəbər verir ki, sosial şəbəkə istifadəçiləri güclü yanğın sütununun bir neçə video və fotolarını yayıblar.

Krımın rəhbəri Sergey Aksenov “Telegram” kanalında bazanın “ixtisaslaşdırılmış xidmətlərin əməkdaşları” tərəfindən mühasirəyə alındığını və evakuasiya zonasının artmayacağını bildirib.

Rusiya hakimiyyəti bir gün əvvəl baza ətrafındakı ərazidən 1137 nəfərin təxliyə edildiyini bildirmişdi.

Ukraynaya məxsus pilotsuz təyyarələr oktyabrın 7-nə keçən gecə Feodosiyadakı Dəniz Neft Terminalını vurub.

Terminalda müxtəlif ölçülü 30-dan çox tanker var idi. Hücumdan bir gün sonra dərc edilmiş peyk görüntülərinə əsasən, həmin vaxt onlardan ən azı üç-dördü yanır - qara tüstü sütunları səbəbindən dəqiq rəqəmi müəyyən etmək çətindir.

Tural