Qazaxıstan BRİKS-dən imtina edir: Tokayev bu təşkilatı dəstəklədi

Qazaxıstan yaxın gələcəkdə BRİKS (Braziliya, Rusiya, Hindistan, Çin, Cənubi Afrikanın abbreviaturası) hökumətlərarası təşkilatına ərizə verməkdən imtina edəcək.

Publika.az xəbər verir ki, bu barədə respublika prezidentinin mətbuat katibi Berik Uali bildirib.

“Çox güman ki, yaxın gələcəkdə Qazaxıstan BRİKS-ə ərizə verməkdən imtina edəcək, o cümlədən üzvlük məsələsinə baxılmasının çoxmərhələli prosesini, habelə bu assosiasiyanın inkişaf perspektivləri ilə bağlı digər məsələləri nəzərə alacaq", - Uali izah edib.

Onun sözlərinə görə, eyni zamanda, Qazaxıstan təşkilatın təkamülünü maraqla izləyir və onu yaradan dövlətlərin liderlərinin istənilən fövqəlgüclərin hegemonluğundan azad, ədalətli, demokratik dünya nizamı qurmaq üçün səy göstərmək çağırışlarını dəstəkləyir.

Uali qeyd edib ki, Qazaxıstan prezidenti Kasım-Jomart Tokayev dəfələrlə Birləşmiş Millətlər Təşkilatının (BMT) lehinə çıxış edib.

Eyni zamanda, Tokayevin nümayəndəsinin dediyi kimi, Qazaxıstan artıq BMT Təhlükəsizlik Şurasının mühüm və taleyüklü qərarlar qəbul edə bilməməsindən təəssüfləndiyini bildirib.

“Buna görə də o, “orta güclərin” maraqlarını nəzərə almaqla, BMT-yə üzv dövlətlərin geniş məsləhətləşmələri əsasında BMT Təhlükəsizlik Şurasında islahatlara başlamağı zəruri hesab edir”, - deyə Uali vurğulayıb.

Adəm Abbaslı