Kiyevdən Azərbaycan qazı ilə bağlı təklif: Sxem belə olacaq

Kiyev Azərbaycan və Slovakiyaya Ukrayna ərazisindən Avropaya qaz nəqlinin alternativ sxemini təklif edib.

Publika.az xəbər verir ki, bu barədə "RBC-Ukrayna" mənbələrə istinadən məlumat yayıb.

Qeyd olunur ki, Kiyev Rusiya qazını Azərbaycan qazı ilə əvəz etməyi təklif edir. Əslində, bu sxemlə Ukrayna qazın təkrar ixracatçısına çevrilir. Təklifə əsasən, potensial alıcı tədarükün təhlükəsizliyinə dair Rusiya ilə müstəqil danışıqlar aparmalı olacaq ki, bu da Ukraynanın qaz nəqli sisteminin hərbi əməliyyatlar şəraitində qorunmasının təmin edilməsi zərurəti deməkdir.

Yanacağın daşınması mexanizmi belə görünə bilər: nəzərdə tutulan alıcı, məsələn, Slovakiya yanacağı Azərbaycandan Rusiyaya və ya Rusiyadan Ukraynaya giriş nöqtəsində alır.

Qeyd edək ki, hazırda nə Azərbaycan, nə də Slovakiya bu təklifə yekun cavab verməyib. Moskva ilə Kiyev arasında qaz tranziti müqaviləsi 2024-cü ilin sonunda başa çatır, lakin Ukrayna hakimiyyəti onu uzatmaqda maraqlı deyil.

Adəm Abbaslı