MDB

Qazaxıstandan sərt bəyanat: Ərazimizdən Rusiyaya qarşı istifadə...

24 Oktyabr 2024 11:58

Qazaxıstan hakimiyyəti ölkə ərazisinin Rusiya Federasiyasına qarşı sanksiyalardan yayınmaq üçün istifadə olunmasını istəmir.

Publika.az xəbər verir ki, bunu Qazaxıstan xarici işlər nazirinin müavini Roman Vasilenko deyib.

“Qazaxıstan Rusiyaya qarşı sanksiyalar tətbiq etməyib və Rusiyaya qarşı sanksiyalara qoşulmayıb. Astananın mövqeyi bütün maraqlı tərəflərə məlumdur. Həm Rusiyada, həm də Qərb ölkələrində buna anlayışla yanaşılır”, - Vasilenko qeyd edib.

Bu arada ABŞ gələn həftə Rusiya əleyhinə yeni sanksiyalar paketini təqdim etməyi planlaşdırır. Onlar həmçinin “Rusiyanı silahlı qüvvələri üçün kritik materiallarla təmin etdiyi” iddia edilən üçüncü dövlətlərdən olan şəxslərə də təsir edəcək.

Aİ ölkələri də öz növbəsində yanvarda 15-ci anti-Rusiya sanksiyalar paketinin hazırlanmasına başlamağı planlaşdırır. KİV-in məlumatına görə, məhdudiyyətlər Rusiyanın enerji ixracını, xüsusən də mayeləşdirilmiş təbii qazı (LNG) hədəf alacaq.

Akqabay