Paşinyan sözündən döndü, Lukaşenko ilə barışdı - FOTOFAKT

Ermənistanla Rusiya arasındakı münasibətlərdəki böhrandan doğan Belarusla Ermənistan münasibətlərindəki böhran deyəsən aradan qalxır. Belə ki, Kazanda keçirilən BRİKS sammiti çərçivəsində Ermənistanın baş naziri Nikol Paşinyanla Belarus prezidenti Aleksandr Lukaşenko arasında mehriban ünsiyyət anı kadrlara düşüb.

Publika.az xəbər verir ki, həmin anlar “Pool First” Telegram kanalının obyektivinə tuş gəlib.

Telegram kanalı həmin fotonu "Birinci fasiləsiz danışıqlar bu iki iş günü davam etdi" şərhi ilə paylaşıb.

Xatırladaq ki, 2024-cü ilin iyul ayında Ermənistanın Baş naziri Nikol Paşinyan Aleksandr Lukaşenko hakimiyyətdə olduğu müddətdə Ermənistandan heç bir məmurun Belarusa rəsmi səfər etməyəcəyini bildirmiş, həmçinin məsləhətləşmələr üçün səfirini geri çağırmışdı. Paşinyan Belarusun KTMT-də olduğu müddətdə bu qurumda təmsil olunmayacaqlarını da demişdi.

Eyni zamanda Ermənistanda anti-Belarus, daha dəqiq desək, anti-Lukaşenko kampaniyaları aparılırdı.

Adəm Abbaslı