MDB

Ukraynanın Kurska hücumunun nəticələri: Keçmiş baş komandan açıqladı

24 Sentyabr 2025 17:14

Ukrayna ordusunun Kursk sektorunda keçirdiyi əməliyyatların qiyməti həddən artıq yüksəkdir.

Publika.az “Zerkalo Nedeli” nəşrinə istinadən xəbər verir ki, bunu Ukraynanın Böyük Britaniyadakı səfiri Valeriy Zalujnı bildirib.

"Bu xarakterli hücum hərəkətləri məhdud məqsədlər üçün həyata keçirilə bilər", - deyə o, fikrini bölüşüb.

Səfir deyib ki, bununla belə, təcrübə göstərdi ki, son nəticədə döyüş təmas xəttinin dar hissəsində təcrid olunmuş taktiki irəliləyiş hücum edən tərəfə lazımi uğur gətirmir.

Zalujnı qeyd edib ki, Rusiya sərhəd bölgəsinə hücumun dəqiq dəyəri məlum deyil, lakin bunun çox yüksək olduğunu söyləmək olar. O vurğulayıb ki, müdafiə olunan qüvvələr texnoloji üstünlüklərdən istifadə edərək, taktiki irəliləyişin əməliyyat uğuruna çevrilməsinə mane olublar.

Qeyd edək ki, Valeriy ZalujnıUkrayna Silahlı Qüvvələrinin Baş Komandanı olub.

Adəm