Üç ildən sonra "Avroviziya"ya qatıldı, qalib oldu - FOTO

Avstriyanın Vyana şəhərində keçirilən "Avroviziya-2026" beynəlxalq mahnı müsabiqəsinin qalibi "Bangaranga" adlı rəqs mahnısı ilə Bolqarıstan təmsilçisi Dara olub.

Publika.az xəbər verir ki, ikinci yeri "Michelle" balladası ilə İsrail təmsilçisi Noam Bettan tutub. Üçüncü pillədə isə "Choke Me" kompozisiyası ilə Rumıniya müğənnisi Aleksandra Kepitenesku qərarlaşıb.

Yubiley – 70-ci beynəlxalq mahnı müsabiqəsinin finalı 10 min tamaşaçının toplandığı "Wiener Stadthalle" konsert zalında baş tutub. Şounun aparıcıları pop müğənni Viktoriya Svarovski və aktyor Maykl Ostrovski olublar.

2026-cı ildə keçirilən müsabiqə son 20 ildə ən az iştirakçı sayı ilə özünəməxsus antirekord vurub. Belə ki, 2016-cı ildə "Avroviziya"da 42 ölkə iştirak etdiyi halda, 2026-cı ildə bu rəqəm 35 olub. Rusiya və Belarusdan başqa, bu il İrlandiya, İslandiya, İspaniya, Niderland və Sloveniya da yarışmada iştirak etməyib. Bu ölkələr İsrail rəhbərliyinin Qəzza sakinlərinə qarşı hərəkətlərinə etiraz olaraq və bu dövlətin yarışmada iştirakı səbəbindən müsabiqədən imtina ediblər.

Qeyd edək ki, Dara üç il fasilədən sonra yenidən müsabiqəyə qatılıb.

Hüseyn İbadlı