• USD 1,7000 0,00% EUR 1,8883 +0,22%
    • GBP 2,2364 +0,31% RUB 0,0267 +0,37%

Türkiyə ilə müharibə başlayarsa... - 12 maddəlik RAZILAŞMA

Türkiyə ilə müharibə başlayarsa... - 12 maddəlik RAZILAŞMA

Suriya rəhbərliyi ilə onurğasını PKK/PYD terror təşkilatının təşkil etdiyi “Suriya Demokratik Güçləri” arasında danışıqların ilk mərhələsi başa çatıb.

Publika.az Türkiyə KİV-inə istinadən xəbər verir ki, Dəməşq qarşı tərəfə 12 maddəlik razılaşma təqdim edib.

Həmin maddələr aşağıdakılardır:

1. Rakka və Deyr-əz-Zorun Dəməşqə təhvil verilməsində heç bir problem olmayacaq.

2. Fərat su anbarında normal şərtlərdə elektrik enerjisinin istehsalı üçün bütün işləri dövlət üzərinə götürəcək və ehtiyac olan hər istiqamətdə bu enerjidən veriləcək.

3. Əsas yeraltı sərvətlər Suriya dövlətinin nəzarətində olacaq. Kürd rəhbərliyi onların hasilatını mərkəzi hökumətlə uyğunlaşdıracaq. Xarici şirkətlərlə razılaşma əldə olunarsa, bu barədə mərkəzi hökumətə məlumat veriləcək.

4. Dövlət qurumlarında və sərhədlərdə Suriya bayrağı asılacaq, başqa heç bir simvoldan istifadə olunmayacaq.

5. Şimal Cəbhəsinin (Türkiyə cəbhəsi –red.) açılması halında, kürd hərbi gücləri Suriya ordusunun koordinasiyası ilə hərəkət edəcək.

6. Xarici qüvvələrlə qurulan əlaqələrdən zamanla imtina ediləcək, bu rolu mərkəzi hökumət üzərinə götürəcək.

7. Fəratın şərqindən dövlətin nəzarət etdiyi qərb bölgələrinə hər növ kənd təsərrüfatı məhsullarının çatdırılmasına maneələri qaldırılacaq.

8. Dövlət buğda və pambıq məhsullarını qara bazardan daha yüksək qiymətlə alacaq və ödəniş dərhal ediləcək. Rojavadakı bütün məhsullar kürd ve Suriyalı səlahiyyətlilər tərəfindən müəyyən edilən ən yüksək qiymətlə alınacaq.

9. İŞİD təhlükəsinə qarşı birgə mübarizə aparılacaq.

10. Əvvəllər olduğu kimi Suriya əsgərləri əsir alınmadan hərbi bölüklərinə qaytarılacaq, daha əvvəl və vətəndaş müharibəsi dövründə barəsində həbs qərarı çıxarılan heç bir kürd həbs olunmayacaq, adi cinayətlərdə ittiham olunanların siyahısı kürd səlahiyyətlilərinə veriləcək.

11. Yeni konstitusiyada kürd məsələsinin necə həll ediləcəyi bu dialoqun sonunda əldə olunacağı qərarlarla müəyyən ediləcək.

12. Kürd hərbi güclərinin gələcəyinə dair müzakirələr olacaq.

Ömər

Xəbər lenti

DAHA ÇOX XƏBƏR