• USD 1,7000 0,00% EUR 1,9343 -0,03%
    • GBP 2,1630 +0,05% RUB 0,0254 +0,39%

YAP-dan İslam Kərimovla bağlı AÇIQLAMA

  • Nida.az
  • 30 Avqust 2016 17:30
  • 1 437 Baxış
YAP-dan İslam Kərimovla bağlı AÇIQLAMA

Hakim Yeni Azərbaycan Partiyasının (YAP) Siyasi Təhlil və Proqnozlaşdırma Şöbəsinin müdiri, Milli Məclisin deputatı Aydın Mirzəzadə Özbəkistan prezidenti İslam Kərimovun səhhətində yaranan problemlə bağlı münasibətini açıqlayıb.

YAP-çı deputat A.Mirzəzadə Publika.az-a açıqlamasında deyib ki, Özbəkistan prezidenti İslam Kərimovun səhhətində problemlərin yaranması bu ölkəyə dost-qardaş olan Azərbaycan xalqında narahatlıq doğurur: "İslam Kərimov Azərbaycanı sevən və ona dost olan insandır. İslam Kərimova tezliklə sağalmasını və yenidən öz vəzifəsini icra etməsini arzu edirik. Özbəkistan xalqı bütün situasiyalardan uğurla çıxdığı kimi, bu vəziyyətdən də uğurla çıxacağına heç bir şübhəmiz yoxdur. İnanıram ki, İslam Kərimov sağaldıqdan sonra yenidən müstəqillik yolunu uğurla davam etdirəcək".

A.Mirzəzadə həmçinin qeyd edib ki, Özbəkistanda baş verən hadisələr bu ölkənin daxili məsələləridir:

"Hər hansı bir ölkənin Özbəkistanın daxili işlərinə qarışması və onun gələcək inkişaf yolunun müəyyən etməsinə təsir göstərməsi yolverilməzdir. Müstəqillik dövründə Özbəkistan özünün daxili problemlərini özü həll edən və xarici siyasətini müstəqil şəkildə yürüdən dövlət kimi tanıda bilib. Özbəkistanın türk dövləti kimi uğurları Azərbaycanda hər zaman sevincə qarşılanıb. Ümid edirəm ki, İslam Kərimov tezliklə sağalacaq və onun səhhətində hər hansı problem olmayacaq".

Vasif Həsənli

Загрузка...

Xəbər lenti

DAHA ÇOX XƏBƏR
/body>