KXCP-dən Qubad İbadoğluna etiraz: “Bizdən yan gəzin”

Klassik Xalq Cəbhəsi Partiyası (KXCP) Qubad İbadoğlunun rəhbərlik etdiyi Azərbaycan Demokratiya və Rifah (ADR) hərəkatına etiraz edib.

KXCP sədrinin müavini Xəzər Teyyublu Publika.az-a açıqlamasında ADR qoşulan bir sıra şəxslərin onların partiyasının üzvü olmasına dair deyilənlər doğru deyil: “Bu şəxslərin KXCP-yə heç bir aidiyyəti yoxdur. Bu hərəkatın təsis konfranslarından birinin KXCP-nin Salyan rayon təşkilatının qərargahında keçirilməsi də doğru deyil. Salyandakı rayon təşkilatının qərargahı onlara bir növ toplanmaq üçün verilib. Lakin bu hərəkatın sıralarında olan şəxslərin bir neçəsinin özlərini KXCP üzvü adlandırmsı doğru deyil. Ora qoşulanlar vaxtilə KXCP daxilində fraksiya yaradaraq, bu partiyanın işinə xələl gətirməyə çalışanlardır. Həmin şəxslər bu gün KXCP-nin fəaliyyətində heç bir formada təmsil olunmurlar. Bu hərəkat normal və demokratik kəsimi ifadə edəcəksə, burda pis heç nə görmürük. Lakin mövcud siyasi partiyaların narazı insanlarını yığıb hansısa hərəkat yaradırsansa, bu narazılıq yaradan məqamdır. Əgər nə isə yaradırlarsa KXCP-dən, onun üzvlərindən yan keçsinlər. Müsavata, KXCP-yə və digərlərinə əl uzadıb kimlərisə öz hərəkatlarına cəlb etmək, sıralarını genişləndirmək şüursuz addımdır. Bunun adekvat cavabı özlərinə qayıdacaq”.

Asif Nərimanlı