Nida Xəbər

Hər bir Azərbaycan vətəndaşı zəfərimizin məsuliyyətini hiss etməlidir - Rəşad Məcid

7 Fevral 2024 10:40

"Bu seçki Azərbaycan xalqı üçün böyük əhəmiyyətə malikdir".

Bu sözləri Publika.az-a açıqlamasında Azərbaycan Mətbuat şurasının sədri Rəşad Məcid deyib.

"35 saylı Xətai 3-cü seçki dairəsinin 7 saylı məntəqəsində ailə üzvlərimizlə birgə səs verdik. Bu məktəbdə 3 məntəqə yerləşir. Mənim üçün çox xoş oldu ki, insanlar 3 məntəqəyə də gələrək öz iradələrini bildirirlər. Bu, bütün bölgələrdə keçirilən ilk seçkidir. Prezidentimiz qeyd etdi ki, bu seçki həm də yeni dövrün başlanğıcıdır.
Azərbaycan son illərdə böyük uğurlar əldə edib, ərazi bütövlüyünü, suverenliyini bərpa edib. Yeni dövrdə də Azərbaycanın uğurlar qazanacağına inanırıq. Hər bir Azərbaycan vətəndaşı bizim zəfərimizin məsuliyyətini hiss edib, daha da çox çalışmalıdır. Ölkəmizin daha çox uğur qazanmasında hər bir vətəndaş iştirak etməlidir", - Rəşad Məcid bildirib.

Roza Şəfiyeva