Azərbaycanlı aktrisadan şok etiraf: “Rəfiqəmin yoldaşımdan uşağı var“

Azərbaycanın tanınmış aktrisası, daha çox “Keyxanım” kimi tanınan Ülviyyə Əliyeva “maskalanmış” müğənnilərdən söz açıb.

Publika.Az-a müsahibəsində aktrisa açıq-saçıq səhnələrə və geyimlərə bu vaxtadək üstünlük verməməyinin səbəblərindən, şəxsi həyatında başına gələn kədərli hadisədən də danışıb.

- Dilarə xanımın, sizin və “Toppuş bacı”nın apardığı verilişdə şou-biznes əhlinin nazı ilə oynamaq çətin deyil?

- Ulduzlar kaprizli xasiyyətlərini qapı arxasında qoyub səhnəyə çıxırlar. Çünki onların özləri də görürlər ki, biz onlara qarşı çox səmimiyik. Hər birinə də ayrı-ayrılıqda hörmət edirik.

- Müğənnini sevmədiyiniz halda, onu güldürmək məcburiyyətində qalmısınızmı?

- Xeyr, elə məcburiyyətdə qalmamışam. Çünki ssenari verilir və el arasında “Toppuş bacı” kimi tanınan Tünzalə Əliyevayla sözügedən rolu oynayırıq.

- “Maskalı” müğənnilər çoxdur?

- İfaçıların əksəriyyəti üzlərini maska altında gizlədiblər. Əslində mən onları qınamıram. Çünki belə olmalıdırlar.

- Açıq-saçıq səhnələrə və geyimlərə üstünlük verməməyinizin səbəbi nədir?

- Xasiyyətimdən irəli gəlir. Eyni zamanda da mənə kənarda ailəm baxır. Hər bir azərbaycanlı xanımın abır-hayası olmalıdır.

- Boş vaxtınızı kimlə və necə keçirirsiniz?

- İşlərimi bitirdikdən sonra hər gün dostlarımla görüşürəm.

- Teatrdan savayı, daha nələrlə maraqlanırsınız?

- Kitab oxumağı və musiqi dinləməyi çox sevirəm.

- Bildiyimizə görə, şəxsi həyatınızda xəyanətlə üzləşmisiniz. Doğrudur?

- Bəli, doğrudur. Öz rəfiqəm tərəfindən aldadılmışam. Hazırda əvvəlki yoldaşımın sözügedən rəfiqəmdən uşağı var.

Ceyran Əsgərqızı
Publika.Az