Neftin qiymətinin düşmə səbəbi bəlli oldu

Dünya birjasında neftin qiyməti yenidən azalmağa başlayıb. Brent tipli xam neft 48,32, ABŞ nefti isə 46,39 dollara düşüb.

Publika.az-ın məlumatına görə, neftin qiymətinin düşməsinə səbəb Beynəlxalq Valyuta Fondunun artım proqnozlarını aşağı çəkməsi, Çin iqtisadiyyatının son 24 ilin ən aşağı artım tempini nümayiş etdirməsi neftin qiymətinə mənfi təsir edib.

“Qara qızıl”ın dəyər itirməsinin digər səbəbi də keçən ilin noyabrında OPEC-in neft hasilatını azaltmayacağı ilə bağlı şərhidir.

Qeyd edək ki, qərar İran iqtisadiyyatına mənfi təsir etdiyindən rəsmi Tehran Səudiyyə Ərəbistanını ABŞ ilə eyni mövqe tutmaqda günahlandırıb. Onu da xatırladaq ki, OPEC-in növbəti toplantısı iyun ayında baş tutacaq.

İqtisadiyyat şöbəsi