Laçın yolundakı aksiya nə qədər davam edəcək? - Prezident elan etdi - Video

Laçın-Xankəndi yolunda 31 gündür davam edən aksiya ilə bağlı zaman-zaman ictimai rəydə bir fikir də gündəmə gəlir: aksiya nə vaxta qədər davam edəcək, yaxud aksiya dayana bilərmi?

Bu sual xüsusilə Ermənistan və havadarlarının Azərbaycana qarşı beynəlxalq təzyiq dalğası yaratmaq cəhdləri fonunda yaranır. Prezident İlham Əliyev yerli tekenallara müsahibəsində ictimaiyyətin maraqlandığı məsələyə aydınlıq gətirdi.

Birincisi, tələblər icra edilənə qədər aksiya davam edəcək;

“Bizim haqlı tələblərimiz var və bu aksiyanın tarixçəsini də indi hər kəs bilir. Bizi, faktiki olaraq qanunsuz istismar edilən o mədənlərə buraxmayıblar. Orada da şou düzəltmişdilər, guya ki, hansısa etirazçılar çıxmışdı. Bizim oraya çıxışımız olmayana qədər, yəqin ki, bu aksiya da davam edəcək. Bizim tələblərimiz də tam ədalətlidir. Monitorinq, təftiş, qanunsuz istismarın dayandırılması tələb edilir və biz buna nail olacağıq” – Prezident bəyan etdi.

İkincisi, aksiyanın dayandırılması məqsədilə Bakıya edilən təzyiqlər nəticə verməyəcək;

Dövlət başçısı heç bir cəhdin nəticə verməyəcəyini, Azərbaycanın haqlı mövqeyindən geri çəkilməyəcəyini elan etdi.

Üçüncüsü, Laçın yolundakı aksiya ilə bağlı “humanitar fəlakət” kampaniyası ermənilərin arzuladığı effekti vermir;

Asif