Qırmızı.az

"Azneft": Həmin gün işlər dayanmasaydı...

8 Dekabr 2015 16:42

"Ekologiya və Təbii Sərvətlər Nazirliyi “Günəşli” yatağında 10-cu dərin özüldə qəza və yanğın baş verən vaxt havanın pis olması, küləyin sürəti ilə bağlı məlumat vermişdi. Həmin gün bütün işlər - montaj, tikinti və s. dayandırılıb. Əməkdaşlarımız iş sahəsində olmayıblar. Əgər onlar iş yerlərində olsaydılar, o adamların bir çoxu ağır xəsarətlər ala bilərdilər”.

Publika.az-ın məlumatına görə, bunu “Azneft” İstehsalat Birliyinin (İB) baş direktorunun müavini, baş mühəndis Balamirzə Ağarəhimov Xəzər dənizindəki “Günəşli” yatağında baş vermiş qəzalarla əlaqədar “Azneft” İB-də yaradılmış qərargahda keçirilən mətbuat konfransında deyib.

O əlavə edib ki, SOCAR-da işlərin məhdudlaşdırılma mexanizmi var. Həmin platforma ən yüksək ballı küləyə - 12 bala hesablanıb. Ekoloji fəsadlar yanğın zamanı olmur. Orda yanğın yox, açıq fontan olsaydı, ekologiyaya daha çox ziyan dəyərdi".

Gülnar