Qırmızı.az

Xarici dil öyrənməyin faydaları – İNSULT, AĞILDAN KƏMLİK...

14 Avqust 2016 02:44

Lankaster Universitetinin tədqiqatçıları bildiriblər ki, xarici dilləri bilmək dünyanın mənzərəsini genişləndirir.

Publika.az xəbər verir ki, bir dildə danışanlarla müqayisədə bir neçə dildə danışa bilən adamlar insultdan sonra daha tez bərpa olunurlar.

Bundan əlavə, başqa dil bilmək qocalıqla bağlı kəmağıllığın inkişafının qarşısını alır.

Alimlər xarici dil öyrənənlərə dilin qaydalarını dərhal deyil, tədricən yadda saxlamağı tövsiyə edirlər.

Alimlərin sözlərinə görə, insan beyni sözlərin instinktiv başa düşülməsinə köklənib. Buna görə də insan hər şeyi təhlil etməyəndə, yeni dili daha sürətlə mənimsəyir və bu proses daha təbii olur.

Bildirilir ki, başqa dil öyrənmək qavramaya da təsir göstərir, çünki məsələn, ingilisdillilər çox vaxt hərəkəti, alman dilində danışanlar isə hərəkətlə bərabər, məqsədi təsvir edirlər. (Azərtac)