Qırmızı.az
Ombudsman təcridxanadakı ölüm faktını araşdırıb
Azərbaycanın insan hüquqları üzrə müvəkkili Elmira Süleymanovanın tapşırığına əsasən, ombudsmanın Milli preventiv qrupunun üzvləri Ədliyyə Nazirliyi Penitensiar Xidmətin Bakı İstintaq təcridxanasında başçəkmə həyata keçiriblər.
Ombudsman Aparatının mətbuat xidmətindən Publika.az-a verilən məlumata görə, başçəkmə zamanı ombudsmanın nümayəndələri həmin müəssisədə bir neçə şəxslə, o cümlədən Anar Məmmədli, İlham Mirzəyev və Şahin Sultanovla onların saxlanıldıqları kameralarda görüşüblər.
Saxlanılan şəxslər təcridxanadakı saxlanılma şəraiti və rəftarla bağlı şikayət etməyiblər.
Ombudsmanın nümayəndələri, həmçinin müvəkkilin tapşırığına əsasən təcridxanada ölüm faktı ilə bağlı mətbuatda yayılmış məlumatın araşdırılması məqsədilə mərhum Quliyev Fərhan Elçin oğlunun saxlanıldığı kamerada olub, onun kamera yoldaşları ilə söhbət aparıblar. Söhbət zamanı onlar mərhumun epilepsiya (qıcolma) xəstəliyindən əziyyət çəkdiyini, hadisənin də qıcolma tutması nəticəsində baş verdiyini bildiriblər. Onlar həkimin vaxtında gəlməsinə baxmayaraq, onun keçindiyini söyləyiblər. Məlum olub ki, faktla bağlı Sabunçu Rayon Prokurorluğunda araşdırma aparılır.
Həmin gün ombudsmanın Milli preventiv qrupunun üzvləri Sabunçu RPİ-nin Müvəqəti saxlanılma yerinə və həmin idarənin 12-ci, 14-cü, 15-ci polis bölmələrinə də başçəkmə həyata keçiriblər. Başçəkmə zamanı şərait və rəftarla bağlı şikayət daxil olmasa da, sənədləşmədə pozuntular aşkar edilib. Bununla bağlı ombudsman tərəfindən Daxili İşlər Nazirinə müraciət edilib.
-
Sağlamlıq07:10
Ölkədə bu xəstəlikdən əziyyət çəkən 100 nəfər var - - Gün işığına çıxa bilməyən bacı-qardaşın hekayəsi
-
Dünya06:28
Son illər dünyada təbii fəlakətlər niyə ARTIB?
-
Sağlamlıq03:18
Viaqra effekti verən qidalar – SİYAHI
-
Sosial02:00
Sevgi, yoxsa pul? - Bakıda maraqlı SORĞU - VİDEO
-
Qoroskop00:30
Günün ulduz falı: sizə mane olmağa çalışan adam qarşınıza çıxarsa...
-
Magazin200:15
Yıldız Tilbe polis maşınını vurdu
-
Nəqliyyat3 May 23:28
Bu yolda sürət həddi endirildi
-
Magazin13 May 23:15
Erməni baş prokurordan Kamil Zeynallı ilə bağlı AÇIQLAMA