Ukraynada döyüşən gürcülər: Rusiya siyahını Gürcüstana verdi

Rusiyanın işağlı altında olan Donetskin idarəedici rəhbəri Denis Puşilin gürcü parlamentarilərə Ukrayna Baş Kəşfiyyat İdarəsinin (GUR) sıralarında xidmət edən gürcü muzdluların siyahısını təqdim edib.

Publika.az xəbər verir ki, bu barədə "RİA Novosti" məlumat yayıb. O, hakim “Gürcü arzusu” partiyasının nümayəndələri ilə görüşüb.

"Bunlar Ukrayna Müdafiə Nazirliyinin Baş Kəşfiyyat İdarəsində xidmət edən və hərbi cinayətlər törətməkdə davam edən konkret vətəndaşlardır. Ona görə də siyahını bölüşmək istərdim. Bizdə bütün məlumatlar var", - Puşilin görüş zamanı deyib.

O, siyahını hakim partiyadan olan gürcü deputatlara təhvil verib, onlardan Gürcüstan qanunvericiliyi çərçivəsində mümkün olan hər şeyi etməyi xahiş edib.

Qeyd edək ki, Gürcüstan hakimiyyəti qondarma DXR-i Rusiyanın bir hissəsi kimi tanımır. Sentyabrın 25-də Birləşmiş Millətlər Təşkilatında çıxış edən Gürcüstan prezidenti və Gürcüstan Silahlı Qüvvələrinin Ali Baş Komandanı Mixail Kavelaşvili Ukraynanı dəstəkləyib.

Adəm