Region

Ermənistandan Gürcüstana jest: Gürcü döyüşçünü Rusiyaya vermədi

9 Oktyabr 2025 15:12

Ermənistan Ukraynada könüllü kimi döyüşmüş Gürcüstan vətəndaşı Qeorqi Kinoyanı Rusiyaya verməkdən imtina edib.

Publika.az “European Pravda”ya istinadən xəbər verir ki, bu barədə erməni fəal Qeorqi Tumasyan məlumat verib.

Onun sözlərinə görə, Ermənistanda sərhədi keçərkən saxlanılan Kinoyan hazırda azadlıqdadır.

“Ermənistan onu Rusiyaya təhvil verməkdən imtina edib, çünki “onun üçün təhlükəli olardı”, - deyə Tumasyan yazıb.

O bildirib ki, Rusiyanın tələbi ilə Ermənistanda saxlanılan digər Gürcüstan vətəndaşı Vano Sabaşvilinin işi üzrə də oxşar qərar veriləcək.

Qeyd edək ki, Ukrayna tərəfində müharibədə iştirak etmiş Qeorqi Kinoyan sentyabrın 3-də Gürcüstanın Ermənistanla sərhədini keçdikdən sonra saxlanılıb. 29 yaşlı Kinoyan Rusiya Federasiyası tərəfindən Ukrayna ərazisində Rusiyaya qarşı hərbi əməliyyatlarda iştirak ittihamı ilə axtarışa verilib.

Xatırladaq ki, Kinoyan indiyədək ekstradisiya nəzarətində idi.

Adəm