Türkiyədə ali təhsil alanlara ŞAD XƏBƏR - Müddət üç ilə endiriləcək

Türkiyədə universitet təhsilinin müddəti 3 ilə endirilə bilər.

Publika.az xəbər verir ki, bu barədə Türkiyə Prezidenti Rəcəb Tayyib Ərdoğan Beştepe Millet Kongre və Mədəniyyət Mərkəzində keçirilən 2025-2026 Təhsil ili açılış mərasimində çıxış edərkən məlumat verib.

O bununla bağlı islahatların gündəmdə olduğunu açıqlayıb.

Ərdoğan, bu islahatların Avropa ölkələrindəki təcrübələrə uyğun olaraq tələbələrin 3 ildə məzun olmasına imkan verəcəyini bildirib. O, bu dəyişikliklərin ali təhsil sistemini daha səmərəli və beynəlxalq standartlara uyğun hala gətirəcəyini vurğulayıb.

Əlavə olaraq, Yükseköğretim Kurulu (YÖK) Başkanı Prof. Dr. Erol Özvar da bəzi proqramlarda 3 ildə məzuniyyət imkanı təmin edəcək struktural islahatların gündəmdə olduğunu qeyd edib.

Bu islahatların tətbiqi ilə bağlı konkret tarixlər və detallı məlumatlar hələ açıqlanmayıb. Lakin, Prezident Ərdoğanın çıxışı və YÖK rəhbərliyinin açıqlamaları, bu istiqamətdə ciddi hazırlıqların aparıldığını göstərir.

Hüseyn İbadlı