Kraliça Ermənistana səfərə hazırlaşır: Azərbaycanla sərhədə də gedəcək

Belçika Kraliçası Mathilde BMT-nin Dayanıqlı İnkişaf Məqsədlərinin müdafiəçisi kimi oktyabrın 13-15-də Ermənistanda işgüzar səfərdə olacaq.

Publika.az xəbər verir ki, bu barədə Belçika Kral Sarayından məlumat verilib.

“Bu səfər Dayanıqlı İnkişaf üzrə 2030 Gündəliyinin əhəmiyyətini vurğulamaq və Ermənistan cəmiyyətində innovasiya, sosial inklüzivlik, səhiyyə, təhsil və ətraf mühitin mühafizəsi sahələrində iştirak edən çoxsaylı aktorlarla birbaşa dialoq qurmaq imkanı verəcək”, - Belçika Kral Sarayının press-relizində deyilir.

Səfər zamanı Kraliça YDU tələbələri ilə görüşəcək və onların davamlı inkişaf istiqamətində praktiki təşəbbüslərə baxışlarını müzakirə edəcək. TUMO Yaradıcı Texnologiyalar Mərkəzinə səfər nəzərdə tutulub.

Kraliçanın proqramının əsas bəndlərindən biri ekoloji problemlər olacaq, onun çərçivəsində o, Qeqarkunik bölgəsinə və Sevan gölünün (Göyçə gölü) ərazisinə səfər edəcək ki, bu da Ermənistanın 2026-cı ildə COP-17 Biomüxtəliflik Konfransına ev sahibliyi etməyə hazırlığı kontekstində xüsusilə vacibdir.

Turan