İran BAEA ilə əməkdaşlığı dayandırdı

İran Misirdə Beynəlxalq Atom Enerjisi Agentliyi (BAEA) ilə əldə olunan razılaşmaların icrasını dayandırıb.

Publika.az xəbər verir ki, bu barədə İranın xarici işlər naziri Abbas Əraqçi məlumat verib.

"Qahirə razılaşması hazırda dayandırılıb və biz nüvə məsələlərində BAEA ilə əməkdaşlığı dayandırmışıq", - deyə Əraqçi İran televiziyasında canlı yayımda bildirib.

Sentyabrın sonunda İranın Ali Milli Təhlükəsizlik Şurası BAEA ilə əməkdaşlığı dayandırmaq barədə qərar qəbul edib. Bu tədbir BMT-də Tehrana qarşı sanksiyalara dair səsvermədən sonra atılıb.

Bəyanatda qeyd olunub ki, Xarici İşlər Nazirliyinin agentliklə əməkdaşlığına və böhranın həlli ilə bağlı təklif olunan planlara baxmayaraq, Avropa ölkələrinin hərəkətləri səbəbindən MAQATE ilə qarşılıqlı fəaliyyət dayandırılacaq.

Vurğulanıb ki, hətta əməkdaşlığın dayandırılması kontekstində də İran Xarici İşlər Nazirliyinə ölkənin milli maraqlarını qorumaq üçün İranın Ali Milli Təhlükəsizlik Şurasının qərarı çərçivəsində MAQATE ilə məsləhətləşmələri davam etdirməsi tövsiyə olunur.

Hüseyn İbadlı