Köçəryanın törətdiyi cinayətlər açıqlandı: Görün nələr edib

Xəbər verdiyimiz kimi, Ermənistanın keçmiş prezidenti Robert Köçəryan və böyük oğlu Sedrak Köçəryan saxlanılıb. Artıq Ermənistanın Baş Prokurorluğu ölkənin sabiq prezidenti Robert Köçəryan barəsində cinayət işi açıb.

Publika.az xəbər verir ki, cinayət işi avqustun 24-də başlanıb. Köçəryan vəzifə səlahiyyətlərindən sui-istifadə, xüsusilə külli miqdarda rüşvət alma və pul vəsaitlərinin leqallaşdırılmasında ittiham olunur.

İstintaq sabiq prezidentlə bağlı 3 vəzifə səlahiyyətlərindən sui-istifadə, 2 xüsusilə külli miqdarda rüşvət alma və 4 çirkli pulların yuyulması epizodu müəyyən edib.

Baş Prokurorluq Köçəryanla yanaşı daha 9 nəfərə də ittiham irəli sürüldüyünü açıqlayıb. Onların arasında Köçəryanın böyük oğlu Sedrak, sabiq prezident Serj Sarkisyan, eləcə də keçmiş yüksək vəzifəli şəxslər və biznes nümayəndələri var.

İttiham olunanlar sırasında sabiq baş nazir, İrəvanın keçmiş meri, həmçinin tikinti şirkətləri və daşınmaz əmlakın idarə olunması ilə əlaqəli şəxslərin də olduğu bildirilib.

Cinayət işi üzrə istintaq davam edir.

Müəllif: Adəm