Sağlamlıq

Koronavirusu ağırlaşdıran əsas problem

24 Yanvar 2021 10:53

Xəstənin koronavirus infeksiyasından yaxşılaşmasını çətinləşdirən əsas amillərdən biri də bağırsaq pozğunluqlarıdır.

Publika.az xəbər verir ki, bu barədə rusiyalı revmatoloq Pavel Yevdokimenko danışıb. Onun sözlərinə görə, bağırsaqlar iybilmə və ya yuxu qaydaları ilə müqayisədə çox yavaş normallaşır. Bundan əlavə, bərpa prosesi antibiotik qəbul edənlər üçün daha çətin olacaq və allergik reaksiyalar vəziyyəti daha da ağırlaşdıra bilər.

Yevdokimenko Yutub kanalında yayımladığı videoda “Bu insanların sağalma dövrü daha uzun çəkir” deyib.

Həkim bildirib ki, bədənin yaxşılaşması üçün pəhrizə bal, B vitamini, moruq və itburnu kimi tərkibində minimum miqdarda şəkər olan giləmeyvələri daxil etməyə dəyər.

Aytən Məftun