Sosial
Virusa qalib gəlmədikcə, bu, olmayacaq - Qulam İsaqzai
Hazırkı pandemiyanın yaratdığı təhdid və təhlükə dünyanın və BMT-nin görmədiyi dəhşətli təhlükədir.
Publika.az xəbər verir ki, bunu BMT-nin Azərbaycandakı rezident əlaqələndiricisi Qulam İsaqzai Operativ Qərargahın bugünkü brifinqində deyib.
Q.İsaqzai bildirib ki, bu pandemiya insanların həm iqtisadi, həm də sosial həyatına çox ciddi təsir edir: "Pandemiya cəmiyyətin kifayət qədər böyük sahələrinə öz təsirini göstərməkdədir. Hazırda bu virus seçib hansısa ölkələri, bölgələri hədəfə almır. Səhhətində problem olan və olmayan insanların hər birinə yoluxub, onların sağlamlığına ciddi təsir edə bilər".
O qeyd edib ki, bu səbəbdən BMT-nin baş katibi hər kəsi qlobal həmrəyliyə çağırıb: "Ölkələr və vətəndaşlar arasında həmrəylik olmalıdır. Hökumətlər yalnız öz gücü hesabına bu pandemiyaya qalib gələ bilməyəcək. Bizim hər birimizin öz məsuliyyəti var. Məhz bu səbəblə birlik olub pandemiyaya qalib gəlməliyik".
Qulam İsaqzai vurğulayıb ki, bu işdə hər birimiz kiçik addımlarla belə töhfə verə bilərik: "Burada gigiyena qaydaları, sosial məsafə vərdişlərində edilən dəyişikliklərdən söhbət gedir. Eyni zamanda, simptomlu insanların özünütəcridi kimi kiçik addımlarla hər birimizin xüsusi öhdəliyi var".
O əlavə edib ki, həm Azərbaycanda, həm də dünyada təcrid proseslərində yorğunluq var: "Bəziləri işə getmək istəyir, pandemiya səbəbilə hər kəs ziyanla üzləşir. Lakin virusa qalib gəlmədikcə, ölkələrdə iqtisadiyyatın bərpası mümkün olmayacaq".
-
İdman13:36
Finalda uduzan kişi futbolçular qadın hakimə hücum çəkdilər - VİDEO
-
Region13:11
Kopırkinin geri çağırılmasının sirri: Moskva İrəvanla bağlı hansı qərarı verib?
-
Qarabağ 12:51
Ermənilərin Qarabağdakı gizli bunkeri - Video
-
Sosial12:31
Küləkli hava şəraiti gün ərzində davam edəcək
-
Cənubi Qafqaz11:36
İrəvan çalxalanır: Simonyan da saxlanıldı - VİDEO
-
Sosial11:06
Çalınmayan “son zəng”lərini 32 il sonra çaldılar - VİDEO
-
Elm və təhsil10:56
Azərbaycan təhsilində yeni ixtisaslar açılacaq - Nazir
-
Dünya10:15
Rusiyada ermənilərlə ruslar bir-birinə girdi - KÜTLƏVİ DAVADAN FOTO