Sosial

Dövlət kiçik və orta sahibkarlarla bağlı hərəkətə keçib - İşini itirənlərə...

25 İyun 2020 18:01

Hazırda COVID-19 pandemiyasının ölkədəki kiçik və orta sahibkarlara, ümumiyyətlə, həssas qruplara təsirini qiymətləndirməyə çalışırıq.

Publika.az xəbər verir ki, bunu BMT-nin Azərbaycandakı rezident əlaqələndiricisi Qulam İsaqzai Operativ Qərargahın bugünkü brifinqində deyib.

"Bu qiymətləndirməni yekunlaşdırdırdıqdan sonra onu hökumətə təqdim edəcəyik ki, bu sahələrə dəstək olaq. BMT qiymətləndirmə müzakirələri vasitəsilə həmin proseslərə dəstək olacaq. Hazırda işlərini itirən kiçik biznes sahiblərinin üzləşdiyi çətinliklə əlaqədar hökumətin göstərdiyi dəstəyi alqışlayırıq", - İsaqzai qeyd edib.

Onun sözlərinə görə, BMT hesab edir ki, COVID-19 pandemiyasının təsiri qısamüddətli olmayacaq və qurum bu təsirlərə öz dəstəyini göstərəcək.