Sosial

Abşeronda itkin düşən məktəbli qızlar tapıldı - YENİLƏNDİ/FOTO

13 Fevral 2024 11:05

Abşeronda itkin düşən iki məktəbli qız tapılıb.

Publika.az xəbər verir ki, bu barədə Daxili İşlər Nazirliyinin (DİN) Mətbuat xidmətinin rəisi Elşad Hacıyev məlumat yayıb.

Qeyd olunub ki, dünən günorta saatlarında Abşeron rayonunda 2010-cu il təvəllüdlü iki məktəblinin itkin düşməsi üzrə daxil olan məlumat üzrə dərhal polis əməkdaşları tərəfindən axtarışa elan edilib: "Müəyyən edilib ki, həmin uşaqlar ailə üzvlərini məlumatlandırmadan Kürdəmir rayonuna - nənəsinin yanına gediblər. Əməldə hər hansı kriminal tərkib yoxdur".

***

00.43

Abşeronda 2 məktəbli qız itkin düşüb.

Publika.az məlumat verir ki, hadisə dünən baş verib.

Belə ki, Masazır kənd 3 nömrəli tam orta məktəbin 8-ci sinif şagirdləri – Saray Məmmədli və Aydan Muradzadə günorta saat 14:00 radələrində dərsdən çıxıb, geri qayıtmayıblar.

Onların evə qayıtmadığını görən valideynləri dərhal Abşeron rayon Polis İdarəsinə məlumat veriblər.(report)