Məşhur aparıcı: “İstəmirəm məni görüb kanalı çevirsinlər”

Tanınmış aktrisa Zümrüd Qasımova Xəzər Televiziyasında yeni verilişin aparıcısı olub.

Bu barədə Publika.az-a aktrisa özü məlumat verib. “Yeri gəlmişkən” adlı proqram tok-şou xarakterlidir və canlı yayımlanır. Həftənin beş günü yayımlanan verilişdə müxtəlif sahənin qonaqları iştirak edəcək. İndiki proqram bolluğunda Zümrüdün verilişi digər proqramlardan nəylə fərqlənəcək?

Xanım aparıcı reytinq dalınca qaçmayacağını bildirib: “Verilişim pozitivliyi ilə seçiləcək. Səhnə dekorasiyaları da parlaqlığı, gözəlliyi ilə diqqət çəkəcək. İlk növbədə izləyicilərə pozitiv enerji ötürəcəyik. Çünki insanların indiki zamanda müsbət enerjiyə böyük ehtiyacı var. Peşəkar komanda ilə işə başlayırıq və reytinq dalınca qaçmaq fikrimiz yoxdur. Reytinq özü bizi tapacaq. İstəyirəm ki, tamaşaçı mənim verilişimə baxanda, kanalı çevirməsin. Səviyyə çox önəmlidir. Aparıcı kimi izləyicimin gözündən düşmək istəmərəm. Onlara intellektual, səviyyəli bir proqram təqdim etmək niyyətindəyik”.

Cəvahir