Tabloid.az

Nazirlik Xalq artisti ilə bağlı tapşırıq verdi – ÖZƏL

23 Yanvar 2015 13:04

Mədəniyyət və Turizm Nazirliyi 6 saylı şəhər xəstəxanasının reanimasiya şöbəsinə yerləşdirilən xalq artisti Nuriyyə Əhmədova ilə bağlı müvafiq qurumlarla danışıb.

Bu barədə Publika.az-a nazirliyinin informasiya və ictimai əlaqələr şöbəsinin müdiri Vüqar Şixəmmədov məlumat verib: “Xalq artistinin səhhətinin pisləşməsi və xəstəxanaya yerləşməyi barədə məlumatımız var. Məlumat alan kimi aktrisanın yerləşdirildiyi xəstəxananın baş həkimi ilə əlaqə saxladıq, Nuriyyə xanımın diqqət və qayğı ilə əhatə olunmasını xahiş etdik. Daha sonra aktrisanı müayinə edən Elşən həkimlə danışdıq, onun sağalması üçün əllərindən gələni əsirgəməyəcəklərini bildirdi.

Şöbə müdiri onu da dedi ki, gün ərzində Cəfər Cabbarlı adına kinostudiyanın əməkdaşları və Kinematoqrafçılar İttifaqının rəhbəri Şəfiqə Məmmədova aktrisaya baş çəkəcəklər. Allahdan ona şəfa diləyirik. İnşallah, sağalıb ayağa qalxsın, yaradıcılığı ilə hamımızı sevindirsin”.

Cəvahir Səlimqızı