Dünya

İŞİD İraqda 172 nəfəri oğurladı

16 Yanvar 2015 11:48

“İslam dövləti” (İŞİD) terror qruplaşmasının döyüşçüləri İraqın qərbində yerləşən Fəllucə vilayətində 172 nəfər yerli sakini oğurlayıb.

Publika.az-ın RİA xəbər agentliyinə istinadən verdiyi məlumata görə, bu barədə İraq təhlükəsizlik güclərindəki mənbə “Iraqi News” nəşrinə bildirib.

Mənbə oğurlananların “As-Saxva” təşkilatının tərəfdarları olduğunu deyib. İŞİD təşkilatın təhlükəsizlik güclərinə dəstək verdiyini iddia edib. Oğurlananların taleyi haqda məlumat yoxdur.

Qeyd edək ki, “As-Saxva” İŞİD terror qruplaşmasına qarşı vuruşur. İŞİD-in döyüşçüləri bundan əvvəl də bir neçə dəfə "As-Saxva”nın tərəfdarlarına hücum ediblər.

Ömər Dağlı