Dünya

Ərdoğan: "Türkiyəni parçalamaq istəyənlər var"

15 Mart 2015 06:13

Türkiyə Prezidenti Rəcəb Tayyib Ərdoğan roman xalqları günü tədbirində sərt çıxış edib.

Axar.az xəbər verir ki, martın 14-də ölkə başçısı iştirak etdiyi bayram tədbirində kürd problemindən söz açıb: “Bu ölkədə bütün etniklərin özünə xas problemləri var. Kürd problemi deyilən şey yoxdur. Mən 2005-ci ildə Diyarbəkirdə dedim, bu proses bağlandı. “Bizim problemimizdir” dedik və bu işi bitirdik. Ancaq hələ də bunu davam etdirmək istəyənlər var”.

Ərdoğan qeyd edib ki, kürd problem ilə Türkiyəni parçalamaq istəyənlər mövcuddur: “Bunu niyə davam etdirmək istəyirlər? Molotov kokteylini əllərinə almaq üçün. Niyə? Havaya atılan fişənglərlərlə insanları öldürmək üçün. Biz türkü də, kürdü də, lazı da, çərkəzi də, romanı da sevirik”.